«تۈرك دۆلەتلىرى بىرلىكى» ناملىق كىتاب ئۇيغۇرچىغا تەرجىمە قىلىندى

2020-يىلى 9-ئىيۇن

«تۈرك دۆلەتلىرى بىرلىكى» ناملىق كىتاب ئۇيغۇرچىغا تەرجىمە قىلىندى

ياۋروپا ئىتتىپاقى – ئەزەربەيجان پارلامېنتلارئارا ھەمكارلىق كومىتېتىنىڭ تەڭ ھوقۇقلۇق باشلىقى جاۋانشىر فەيزىيېۋنىڭ «تۈرك دۆلەتلىرى بىرلىكى: يەرشارىۋى ماسلىشىشنىڭ ياۋرو-ئاسىيا مودېلى» ناملىق كىتابى ئۇيغۇر تەتقىقات ئىنستىتۇتى تەرىپىدىن ئۇيغۇر تىلىغا تەرجىمە قىلىندى.


پىروفېسسور دوكتور جاۋانشىر فەيزىيېۋنىڭ، بۇ يىل (2020 – يىلى ئىيۇندا) ئۇيغۇرچىغا تەرجىمە قىلىنغان «تۈرك دۆلەتلىرى بىرلىكى: يەرشارىۋى ماسلىشىشنىڭ ياۋرو-ئاسىيا مودېلى» ناملىق كىتابى 2013 – يىلى ئەزەربەيجاندا نەشر قىلىنغان بولۇپ، 2014 – يىلىدىن 2017 – يىلىغىچە بولغان جەرياندا تۈرك، قازاق، قىرغىز، رۇس، بوشناق ۋە ۋېنگىر تىللىرىغا تەرجىمە قىلىنغانىدى. بۇ كىتاب پەقەت تۈرك خەلقىنىڭ شانۇ – شەۋكەتلىك ئۆتمۈشىنى ئەكس ئەتتۈرۈپ بېرىش بىلەنلا قالماستىن، ئۇنىڭ دەۋرىمىزدىكى ساقلىنىۋاتقان مەسىلىلىرى ئۈستىدە ئەتراپلىق توختىلىدۇ.
ئالدىمىزدىكى ئايلاردا ئۇيغۇر تەتقىقات ئىنستىتۇتى تەرىپىدىن نەشر قىلىنىشى پىلانلىنىۋاتقان كىتاب، تارىختىن تۇغۇلغان كېلەچەك؛ تۈرك كۈلتۈرى: ئۆزگىچە مەدەنىيەت ئۈلگىسى؛ ياۋرو-ئاسىيانىڭ تەرەققىيات كارتېنىسى ۋە تۈرك دۆلەتلىرى؛ خەلقئارا سىياسەت ۋە خەلقئارا قانۇندا بىرلىك ئورنىتىشنىڭ ئەھمىيىتى؛ تەۋرەنمەس ئاساسلار ۋە تۈرك دۆلەتلىرى بىرلىكىنىڭ ئىستراتېگىيەسى قاتارلىق جەمئىي 6 بۆلۈمدىن تەشكىل تاپىدۇ.
ئاپتور جاۋانشىر فەيزىيېۋنىڭ ئاساسلىقى تۈركچە، ئازەرىچە، ئىنگلىزچە ۋە رۇسچە بولۇپ 315 پارچىدەك ھەرخىل تېمىدىكى ئەسەرلەردىن پايدىلانغان بۇ كىتابى مائارىپ، ئىلىم – پەن ۋە دىپلوماتىيە ساھەسىدىكىلەر ئۈچۈن قىممەتلىك پايدىلىنىش ماتېرىيالى بولالايدۇ.

ئەسكەرتىش: ئۇيغۇر تەتقىقاتى ئىنستىتۇتى تور بېتىدىكى ماقالىلەرنى مەنبەسىنى ئەسكەرتمەستىن باشقا ھەرقانداق يەرگە كۆچۈرۈپ چاپلاشقا بولمايدۇ.



باھا يېزىڭ

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*